काठमाडौं । प्रधानमन्त्री पुष्पकमल दाहाल प्रचण्डले आगामी मन्त्रिपरिषद् बैठकले संघीय शिक्षा ऐन पारित गरेर सदनमा पठाउने बताएका छन् ।
आइतबार काठमाडौंमा आयोजित समाजवादी विद्यार्थी मोर्चाद्वारा आयोजित अन्तरक्रिया कार्यक्रमलाई सम्बोधन गर्दै उनले आगामी मन्त्रिपरिषद्बाटै ऐन पारित गरेर पठाउने बताए ।
उक्त ऐनले शिक्षा क्षेत्रको धेरै कुराहरूलाई सकारात्मक परिवर्तन दिने तागतराख्ने उनको ठोकुवा छ
उनले भने,‘आज प्रधानमन्त्रीको हैसियतले भन्न चाहत्छु,मंगलबार बस्ने मन्त्रिपरिषद्को बैठकबाट पहिलो पटक संघीय शिक्षा ऐन पारित गरेर सदनमा पठाउँदैछौं ।’
उनले शिक्षा, स्वास्थ्य, रोजगारी जस्ता विषयालाई जनताको मौलिक अधिकारको रूपमा लिपिवद्ध गरिनु आफैंमा ठूलो भएको बताएका छन् ।
तर त्योसँग सम्बन्धित ऐन कानुन नबन्दा अहिलेसम्म शिक्षाको क्षेत्रमा परम्पराभन्दा धेरै फरक केही हुन नसकेको उनको भनाइ छ ।
वागबजार, काठमाडौं
फोन नं : 15343108
सम्पुर्ण वामपन्थी, प्रगतिशील, देशभक्त तथा जनतान्त्रिक विद्यार्थी एकजुट होऔं !!
